D6

Производи

D6

НОВИОТ ДОЗЕР D6

Поместувајте материјал за помал трошок со помош на целосно автоматска трансмисија, исклучителна ефикасност во однос на потрошувачката на гориво и намалени трошоци за одржување/сервисирање. Уживајте во неспоредлива удобност за ракувачот и поголема видливост во целосно редизајнирана кабина. Со избор на технологијата Cat Connect GRADE добивате додатоци за олеснување на работата што ви помагаат да заштедите повеќе време, материјал и напор. Моделот D6 се одликува со легендарна универзалност на која и’ верувате, со надополнети перформанси и ефикасност коишто ви помагаат да го одведете вашиот бизнис на следно, повисоко ниво.


	ДО 9% ПОНИСКИ ТРОШОЦИ ЗА ОДРЖУВАЊЕ Посебно дизајниран за да се намалат трошоците за одржување и сервисирање со подобрени составни делови, подолги интервали на сервисирање и помалку обврски за планирано одржување.

ДО 20% ПОГОЛЕМА ЕФИКАСНОСТ ВО ОДНОС НА ПОТРОШУВАЧКАТА НА ГОРИВО Целосно автоматизираната трансмисија со 4 брзини постојано се прилагодува за да се постигне максимална ефикасност и пренос на снага до земјата без ракувачот да треба да вложи дополнителен напор.

	ДО 50% ПОГОЛЕМА ПРОДУКТИВНОСТ СО ТЕХНОЛОГИЈАТА CAT Зголемете ја вашата продуктивност со фабрички инсталирани технологии како што се Cat GRADE со Slope Assist и Cat GRADE со 3D.

ЦЕЛОСНО АВТОМАТИЗИРАНА

Инженерите на Caterpillar дизајнираа целосно автоматска трансмисија со 4 брзини за да ви овозможат поголема продуктивност и ефикасност, едноставно ракување и непречено поместување. Само поставете ја посакуваната земна брзина и дозерот ќе се прилагоди за максимална ефикасност и пренос на снага до земјата.

НИВЕЛИРАЈТЕ ПОДОБРО И ПОБРЗО

Овој нов дозер е создаден за нивелирање со подобар баланс, со подобрувања на ножот VPAT, нова опција за подвозје и технологии по избор за да ви помогнат да добиете подобри резултати за помалку време.

ПОДОБАР БАЛАНС

Ножот VPAT е редизајниран со посилна, полесна структура за да ви овозможи поголем баланс при нивелирање. Нема потреба од заден алат или противтежа.

ПОНИЗОК ПРИТИСОК НА ЗЕМЈАТА

Новиот габаритен нож LGP VPAT е создаден за посебна цел и опремен со 915 mm центрирани педали. Ова додава и до 35 kPa притисок на земјата за да ви овозможи меко газење.

УНИВЕРЗАЛНОСТ НА НОЖОТ

Ножевите Cat VPAT ви овозможуваат врвен опсег на движења за да можете да се справите со работни задачи кои претставуваат предизвик, како што се копање канали и затрупување. За да ја завршите работата, ножот VPAT останува на ниво кога е под агол со цел да добиете помазно нивелирање.

НИВЕЛИРАЈТЕ ПОБРЗО

Нивелирајте побрзо – со опсег на брзина 2.5-3.0 – без да го жртвувате квалитетот. Поширокиот нож LGP значи помалку преминувања. Новата опција на подвозјето за финално нивелирање (10-валјаци) ви овозможува помазни нивоа, со поголема брзина, дури и кај сложени површини како што се песок и чакал.

ДИЗАЈНИРАНА ЗА РАКУВАЧИТЕ

Кабината на D6 е дизајнирана да го подигне стандардот за удобност и продуктивност на ракувачот. Како дополнение на 10-инчниот екран на допир, стандардното седиште со воздушно потпирање е пошироко со надградено прилагодување за грбот, достапни се опции за кожно седиште со ладење/загревање и разновидни прилагодувања коишто помагаат дозерот да биде по мерка на посебните потреби на ракувачот. Профилот за примени ви дозволува да создадете мноштво профили каде ќе бидат зачувани поставките наменети за различни работни задачи или за повеќе ракувачи.

Ретровизорската камера со висока дефиниција е стандардна. Сликата се прикажува на главниот дисплеј и вклучува насочувачки линии коишто ве водат. Редизајнираната кабина со интегрирана структура за заштита од превртување (Rollover Protective Structure (ROPS)) има околу 15% повеќе стаклена површина за да ви овозможи подобра сеопфатна видливост.